Núverandi fulla tungl er mjög sterkt, það eru margar sjaldgæfar og sérstakar plánetustöður núna sem ég ætla ekki að fara nánar út í hér en það er mikil heilunarorka í kortunum núna og við erum flest öll að upplifa erfiða tíma og miklar umbreytingar bæði hér á Íslandi og úti í heimi. Sporðdrekaorkan er m.a. tengd innsæi, undirmeðvitund og valdabaráttu og núna á þessu fulla tungli gætu margir upplifað eitthvað sem hefur verið "falið" bæði í jákvæðri merkingu og neikvæðri. Núna er rétti tíminn til að umbreyta því sem gagnast okkur ekki lengur, fljúga upp úr öskunni og láta innsæið leiðbeina okkur á vit nýrra tíma.
